• ssnbnovibecej@gmail.com
• 023/771-077
• www.srednjaskola-novibecej.edu.rs

Рок снованя: 1908.

Снователь: Автономна Покраїна Войводина

Файта установи: Mešovita srednja škola

Язик воспитно-образовней роботи: Сербски

О установи

Штредньошколске образованє у општини Нови Бечей ма длугоку и богату традицию.

Шестого септембра 1908. року з єдну хлопску и єдну женску класу у будинку велькомаєтнїка Дундєрского почала робиц Гражданска школа, хтора представя нїзшу штредню школу.

Року 1920. у Новим Бечею почала робиц Русийска женска ґимназия з интернатом, цо предлужованє школованя з Харковского универзитету, хтори основани 1912. року, а виселєни є 1919. року и зоз шицкима школярами и професорами прешол до Нового Бечею. Школа мала 200 до 300 школяркох. Русийска женска ґимназия робела у будинку нєшкайшей Штреднєй школи. Року 1931. пре вельку економску кризу Русийска ґимназия преселєна до Билей церкви.

У Новим Бечею 1924. року основана приватна Ґимназия, хтора мала права як и шицки други державни ґимназиї, а школяре тей школи мали шицки права як и школяре державней Ґимназиї, окрем же плацели школарину. По звиту за школски 1929/30. рок Ґимназия мала пейц оддзелєня од штвартого по осму класу з 128 школярами и 10 професорами.

Школского 1961/62. року отворени два видвоєни оддзелєня Економскей школи зоз Зренянину, же би Народни одбор општини Нови Бечей 9. юния 1962. року принєсол ришенє о снованю Ґимназиї у Новим Бечею, а школского 1962/63. року уписана перша ґенерация хтора почина образованє по наставним плану и програми за Ґимназию. Кажда класа Ґимназиї верификована од компетентних орґанох Автономней покраїни Войводини, а школского 1965/66. року верификована Ґимназия у цалосци з природно-математичним и дружтвено-язичним напрямом.

Школского 1966/67. року ше отвера видвоєни оддзелєня школи за КВ роботнїкох зоз Зренянину, же би 1968. року була верификована школа за КВ роботнїкох металского фаху у Новим Бечею.

После обсяжних пририхтованьох, 1973. року приходзи до злучованя Ґимназиї и Школи за КВ роботнїкох и формує ше Школу за штреднє образованє «Иво Лола Рибар» у Новим Бечею.

Од 1975/76. року почина заєднїцке штреднє воспитанє и образованє, а школского 1977/78. року ше формує Школски центер «Иво Лола Рибар» з двома основнима орґанизациями: ЗСВО и Поволанково-унапрямене образованє у будовательним, текстилним и металским фаху.

У октобру 1980. року почина реконструкция и адаптация будинку, хтора закончена 1982. року, школа достава терашнї випатрунок, приключок за водовод и канализацию, санитарни ґузел и централне зогриванє зоз чим витворени значно вигоднєйши условия за воспитно-образовну роботу.

Од 1. януара 1984. року формована штредня школа «Иво Лола Рибар» Нови Бечей дзе ше образує кадри машинского, текстилного и природно-математичного фаху, а з одлуку Влади Републики Сербиї о мрежи штреднїх школох у Републики Сербиї утвердзене же у Новим Бечею роби фахова школа за машинство и обробок металу и текстилство, од школского 2003/2004. року за подруче роботи администрация, право и економия, а з Одлуку школа достава назву Технїчна школа «Иво Лола Рибар», Нови Бечей.

Од школского 1993/94. року у школи починаю робиц видвоєни оддзелєня Ґимназиї зоз Бечею, общи тип. Простор, опрему, наставни средства и шицки кадри за роботу видвоєних оддзелєньох обезпечує Технїчна школа «Иво Лола Рибар» Нови Бечей.

Од школского 2003/04. року у школи ше образує и кадри економского фаху.

Школа у 2003/04. школским року виполнєла условия за формованє мишаней школи за ґимназийне образованє и шицки уж наведзени образовни профили у фаховей школи.

Од 1. спетембра 2004. року школа ноши назву: Штредня школа у Новим Бечею.

Школа одбавела значну улогу у вкупним розвою просвити, култури и привреди у тей општини. Зоз тих школярских лавкох вишли визначни науково роботнїки, привреднїки, политичаре, новинаре, воєни особи и докторе наукох.

Директор: Nemanja Jovišević

Датум ступаня на длужносц: 22.07.2023