• tspavles@nspoint.net
• 021/443-746
• tspavlesavic.edu.rs

Рок снованя: 1961

Снователь: Автономна Покраїна Войводина

Файта установи: Фахово школи

Язик воспитно-образовней роботи: Сербски

О установи

Технїчна школа «Павле Савич», Нови Сад основана 25.7.1961. року под назву Хемийско-технолоґийна школа. Новооснована школа на самим початку тримала наставу у двох оддзелєньох на два оддїли: аналитични и погонски, зоз коло 60 школярами. У чаше снованя школа нє мала свой будинок, та ше наставу тримало у будинку Здруженей млїнскей индустриї.
Аж 1977. року, 16 роки од снованя, школа достава свой будинок, односно школски центер «Млинпек» дава на хаснованє свой будинок. Медзитим, уж нарок, пре реформу образованя и запровадзованя поволанково унапряменого образованя и воспитаня штреднього ступня, здобути школски обєкт ше указал як просторно нєзадоволююци. Прето влєце 1979. року починаю роботи на добудови другог поверху, хтори закончени 1981. року и звекшал простор за 30%.
Од школского 1997/98. року меня ше структуру школи, та попри иснуюцого подруча роботи хемия, нєметали и ґрафични напрям, школя достава одобренє за школованє школярох на подручу роботи особней услуги за образовни профили женски и мушки фризер.
Школского 2000/2001. року до нашей школи, зоз Польопривредней школи у Футоґу, приходзи 22 оддзелєня зоз подруча роботи польопривреда, продукция и преробок поживи, з вкупним наставним кадром. Школского 2002/2003. року запровадзени образовни профил маникир и педикир з подруча роботи особней услуги, а школского 2004/2005. року запровадзени профил технїчар за защиту животного штредку з подруча роботи хемиї, нєметали и ґрафичарство. Школского 2006/2007. року запровадзени образовни профил за индустрийну фармацийну технолоґию з подруча роботи хемия, нєметали и ґрафичарство. Пре нєдостаток школского простору, яки нєобходни за нормалне и нєзавадзане триманє настави, влєце 2004. року почала добудов нового кридла будинку и сали за физичне воспитанє.
Добудов школского будинку закончена у авґусту 2006. року, а наставу ше трима у матичним будинку Технїчней школи «Павле Савич», а пре нєзакончену салу за физичне, наставу физичного воспитаня ше трима на школских теренох и у закупених обєктох «Партизан 2» и «Соколским доме».

Директор: Nemanja Jovišević

Датум ступаня на длужносц: 02.10.2022