• gjkbp19@gmail.com
• 021/780-167
• www.jankollar.org

Рок снованя: 1919

Снователь: Автономна Покраїна Войводина

Файта установи: Mešovita srednja škola, Дом школярох

Язик воспитно-образовней роботи: Сербски, Словацки

О установи

Основана є 1. октобра 1919. року, виросла, з так поведзено, двасторочних привредних и културних традицийох южнославянских Словацох.
Єй перши будинок вибудовани 1923. року зоз власних добродзечних средствох, зоз финансийну помоцу Влади ЧСР и Словацох у Америки и Канади и у значней мири з власну добродзечну роботу жительох Бачкого Петровцу.
Ґимназия постала значна културна установа Словацох у Югославиї.
Ту почала роботна драга велїх академцох и докторох науки хтори робя и дїлую у Сербиї и Словацкей Републики, числених наукових и просвитних роботнїкох, уметнїкох и инженєрох.
Гоч є основана за потреби словацкей меншини и по нєшка була єдина ґимназия зоз словацким наставним язиком, вона ше нїґда нє заверала до узких националних рамикох.
Вше комуниковала зоз своїм околїском и док глєдала оптимални ришеня отверала и сербски оддзелєня.
Окремни характеристики у роботи ґимназиї, попри добрей материялней основи и квалитетней настави то рижнородни звонканаставни активносци школярох и професорох:
школярски здруженя, фахово, уметнїцки и спортски секциї.
Секцию Сладкович ше отримує без претаргнуца од 1. октобра 1925. року до нєшка и дзекуюци єй жиє словацка литература у Сербиї.
У рамикох ґимназиї школского 1947/48. року основана и Учительска школа, цо мало вельке значанє за судьбу Словацох хтори жию у Войводини у контексту познаваня, ширеня и збогацованя власней култури, язику и идентитету.
Учительску школу до 1965. року, кед єй активносц престала, закончели вецей як 200 словацки учителє.
Тота школа предлужела з роботу од школского 1998/99. року од кеди постої видвоєне оддзелєнє Учительского факултету зоз Зомбору на словацким язику.
У школским 1997/98. року почал з роботу и модерни дом школярох, вибудовани зоз финансийну помоцу владох Словацкей Републики и Републики Сербиї.
Оможлївює школованє Словацом зоз цалей Войводини, и попри того же його капацитет нє достаточни за потреби и интерес школярох, хтори би сцели ходзиц до тей школи.
Опременосц ґимназиї випольнює вимаганя модерней школи.
Ту кабинети природних наукох, два рахункарски учальнї, стаємна вистава пошвецена биолоґиї, тиж библиотека з вецей як 27000 кнїжками и ґалерия роботох, ту памятна-хижа хтора здогадує на нє таку давну историю XИВ ВУСБ.
Школяре ше можу занїмац зоз спортом на школских спортских теренох за:
рукомет, фодбал и кошарку.
Ґимназию од початку снованя до конца школского 2007/2008. року абсолвовали вецей як 3700 школяре.
Велька векшина абсолвентох ґимназиї успишно закончела високе и висше образованє.
У складзе зоз свою напредну традицию ґимназия ше и нєшка намага уключиц до найсучаснєйших рухох.
Школа постала єден з реґионалних центрох за усовершованє наставнїкох.
Учителє основали Асоцияцию словацких педаґоґох.
Реґионални центер за усовершованє наставнїкох основани у школи 2000. року.
То резултат природного цеку участвованя школи у проєкту ОПЕН СОЦИЕТИ ФУНД «треци милениюм» од 1997. року, кед фонд опремел школу зоз найсучаснєйшу рахункарску технїку.
Його циль увесц нови технолоґиї и способи комуникациї до наставного процесу и прешириц їх применьованє на цо векше число предметох.
Ґимназия так постала место за:
• розвой програми дзекуюци хторей професоре хасную рахункарску технолоґию и интернет у настави;
• виробок едукативних програмох хтори повязани зоз усовершованьом методолоґиї настави и наставних змистох.
Асоцияцию словацких педаґоґох основали учителє ґимназиї у марцу 2001. року зоз цильом же би ше континуовано пошвецели словацкому школству у Войводини и допринєсли злєпшаню його квалитету.
Вона поставела основни цилї:
• виробиц (часточно або подполно) наставни основи наставних предметох, хтори директно уплївую на язични, национални и културни идентитет войводянских Словацох (словацки язик, история, музична, подобова култура и други) на шицких школских уровньох;
• усоглашиц їх змист на таки способ же би ше дзепоєдни предмети медзисобно дополньовали и же би ше змисти зоз преплєтаньом нє дупловали;
• пририхтац конкретни презентациї педаґоґийного-методичного обробку материї зоз шицких предметох;
• хасновац сучасни методи и наставни средства.
На реализациї тих цильох треба нєпреривно робиц.

Директор: Данијела Марко

Датум ступаня на длужносц: 20.12.2023